O vindeiro Mércores 29 de Xullo as 18:00 realizaremos a conferencia online “Adapta a túa aula” pensada e orientada principalmente para docentes e estudantes universitarios relacionados ca docencia, sen embargo, tamén poderase inscribir calquera outra persoa que teña interés en aprender sobre outros xeitos de ensinar.
O contenido está pensado para dotar os asistentes dun modelo diferente e inclusivo a hora de traballar no aula, modelo beneficioso non só para o alumnado NEAE, senon para todos os integrantes da clase.
Falaremos do uso do encerado, da introducción a gamificación e a narrativa, do uso de ferramentas que faciliten a avaliación, da formación e do traballo en grupos e de como espertar o interese e a motivación entre o alumnado.
A conferencia terá unha duración de 2 horas e poderá seguirse en directo ou en diferido ata o domingo 2 de agosto,. Para inscribirse cubride o seguinte formulario, posteriormente contactaremos con vos.
A emisión farase a través dunha plataforma segura á que só se accede a través dunha ligazón e que en ningún momento accede á cámara ou ao micrófono do dispositivo do usuario, sen embargo, este pode facer preguntas e participar mediante o chat habilitado durante a emisión.
O prezo da conferencia é de 5€ para socios ou para teamers de ANHIDA (podedes faceros teamers a través desta ligazón) e de 10€ para o resto das persoas interesadas.
ASOCIACIÓN DE NENOS con déficit de atención con/sin hiperactividade