Obradoiro de habilidades sociais

O taller de habilidades sociais ten por obxectivo fundamental dotar de instrumentos necesarios a nenos e mozos co obxectivo de que adquiran as competencias necesarias para un mellor desenvolvemento humano e afrontar de maneira efectiva os retos da vida diaria, así como de expresar os seus propios sentimentos , necesidades e opinións podendo desenvolver un manexo adecuado das emocións.

A metodoloxía será eminentemente práctica e vivencial. A través do traballo en grupo se prentende crear un ambiente cómodo e distendido no que se fomente a participación dos beneficiarios mediante xogos e actividades que fagan que a aprendizaxe sexa dinámico e divertido.

Algunhas das áreas que se traballan:

• Comunicación: mediante a cal conseguiremos unha aprendizaxe óptima. A comunicación é básica para a adquisición do resto de habilidades.
• Resolución de conflictos: inclúe ensinar ao alumno aqueles comportamentos que ha de dominar para integrarse na sociedade. Por tanto inclúense habilidades requiridas para o desenvolvemento das relacións interpersoais: conversacións, peticións, etc.
• Relacións sociais: é primordial para a interacción cos demais. Esta área axuda a traballar problemáticas relacionadas co TDAH como o control de impulsos, capacidade de frustración, empatia, etc.
• Xestión de emocións: Preténdese que aprendan modos socialmente aceptables de expresar as súas emocións e de recibir emocións dos outros. Tamén deben aprender a defender os seus dereitos dunha forma asertiva, respectando os dereitos dos demais.

Algúns dos beneficios deste taller son:

• Fomento das relacións entre iguais
• Aprendizaxe de recoñecemento das emocións básicas
• Adquisición de alternativas de comportamento adecuado
• Desenvolvemento de estratexias para resolver situacións de conflito

Información de interese:

Obradoiro dirixido a nenos/as e adolescentes socios ANHIDACORUÑA

Idade: a partir de 6 anos

Duración sesións:1 hora e 30 minutos

Temporalización:sesións semanais.

Se están interesados en acudir ou necesitan máis información, poden enviar unha mensaxe a través do noso formulario web, clicando aquí